【本報訊】中、小學教科書出版商繼去年通縮之際「逆巿」調高書價後，今年再次「領先通脹」，以經營成本上升為理由大幅加價百分之三至四；有家長代表直言，中產家庭有稅務負擔，卻不合資格申請書簿津貼，在加價潮中成「最重傷」的一群。此外，子女數年來隨書「附送」的光碟多達數十隻，卻從未使用，質疑出版商以各式非必要輔助教材「賺到盡」。
教育統籌局早前公布全港適用教科書今年的書價，幼稚園、小學及中學類別，分別有近三成、六成及七成教科書加價，平均加幅為一至四元不等。精工出版社董事總經理冼國忠稱，書價已凍結數年，今年出版社經營成本隨員工薪酬和租金上升增加，加上學生人數下降，出版社競爭加劇，迫於無奈加價，加幅已考慮家長的負擔能力，「每個小學生嘅書簿費大約多三十蚊，中學生就加五十幾蚊。」
指輔助教材無用
香港東區家長教師會聯會主席趙明則指，經濟剛開始復甦，希望減低加幅，「商人要賺錢都冇辦法，我哋都阻止唔到，只係想佢唔好加咁盡。」他又批評出版社「成日話要改版，係就係包裝靚咗，差唔多科科都有隻光碟，但係我個女讀到中四都未用過，得個擺字，老師都唔會用到光碟，咁出嚟做乜？」有三名子女的他慨歎，每年的「開學經費」需要逾萬元，「司長都鼓勵人生多啲啦，但係教育方面根本幫唔到，嗰啲免稅額我哋都冇乜着數到。」