對於王菲歌影全面停產籌備婚事，其御用相士蘇民峰（圖）昨晚接受本報訪問時，表示王菲的確宜於今年結婚，而她與李亞鵬在面相方面亦匹配。
十五年舒服懶運
蘇民峰說：「王菲屬雞，今年係雞年犯太歲，佢條命就夫妻相沖，代表感情易起變化，今年唔結婚就分手，唔分手就結婚，所以今年結婚係適合嘅。」問到王菲與李亞鵬是否相配？他說：「相就配嘅，眉粗嘅女人宜配少夫，即係比自己細或者同自己年紀差唔多嘅男人至夾。」
問到蘇民峰有關王菲的事業發展時，他說：「佢之前行十五年大運，由二十歲行到三十五歲，行到今年就轉舒服懶運，唔係行衰運呀，未必冇嘢做，但個人唔積極，會一路行十五年運。」