今日Triumph內衣開倉，貨品最低減至二折！減價貨品還包括近年流行的Maximizer，一攝那神奇胸墊，一股由下而上的推動力，讓佩戴Maximizer的女士，忽然充實，豐滿價只需$40。其他精采款式，包括男人最愛的喱士款，冧佬價盛惠$60，平過飛去泰國掃貨！
記者：楊一凡 攝影：楊錦文 Model：阿蚊（Salvador）
Triumph&HOM開倉大減價
日期：今日起至5月30日 電話：27637668
地址：尖沙嘴海港城展銷集世界商業中心三樓
購物貼士：凡於今日至5月26日購買Triumph及AMO產品滿$400即獲$100現金優惠券，於5月27-30日期間，購買Triumph及AMO產品滿$500即可使用一張。同時5月27-30日期間，購買Triumph滿$500即享九折。
Stephanie：「我鍾意有墊Bra，不過都要睇款，最好係個墊可以拆嘅，着貼身衫時可以抽起，着鬆身衫時加墊會有線條啲！拆胸墊重有個好處，洗完之後抽出來同個Bra分開晾，快乾過縫喺裏面嘅款。最舒服係無喱士Bra，因為件衫係薄身的話，啲喱士花紋好易現形。無縫Bra好實用，貼身又無印。」
Kumiko：「通常啲墊加在Bra底部，由下面推上去，托出來個Shape着起衫會好睇啲。無喱士Bra最舒服，唔會咁敏感，因為Bra通常係手洗，無喱士Bra擦兩擦搞掂，有喱士就要就住，大力少少又驚啲喱士邊會走樣，戴出來唔靚。另外個Bra可以除帶都好重要，因為夏天多着露背或背心衫款。」
女性嚴選：最愛無喱士
男人精選：喱士Bra好誘人
喱士邊2杯Bra，適合豐滿型，Bra帶可拆除。
原價$159
開倉價$60
全個喱士t杯Bra，把脂肪由下及左右推向中間，身形瘦削最啱，厚墊可拆除。
原價$159
開倉價$60
黑喱士面紅花圖案Bra，摸上手夠滑。
原價$300
開倉價$80
泳衣有得減
除咗Bra是今次開倉主打，其實泳衣亦是夏天必需品。喜愛水上活動的你，若果不喜歡保守的一件頭，還有TwoPieces，無論邊款都內加了胸墊，個個都係出水芙蓉。
男裝部：紅底好運來
陪女友掃貨的好男友，亦唔使驚尷尬，事關同場有法國名牌HOM男裝減價貨，女有女掃，男有男買。選擇由底橫至面衫，牌子全是法國貨：像全棉內衣一百蚊三件，買六再送一；另外粉藍細格恤衫，絕非倉底貨，還有意大利T-Shirt、內衣及Boxer選擇。
