名模琦琦早前在沙灘取景拍攝健康產品廣告，這輯照片更是她入行以來首次的泳衣look，琦琦笑言雖然拍照經驗豐富，但也臉紅心跳。琦琦並透露已成功減去五十磅，回復產前的體重。
名模琦琦產後逐漸回復工作，早前她為代言的健康產品「易速纖X」，往沙灘拍攝廣告，更首度以泳衣look示人，琦琦說：「我可以話係全香港最保守嘅模特兒，只有一次喺自己出嘅書上登過泳衣相，今次個客都冇夾硬要求我着泳衣，不過我覺得成個概念好自然，所以唔抗拒着泳衣。
水母灼大髀
「當日除咗化妝師同我係女人之外，所有工作人員都清一色係男人，我雖然影相經驗咁豐富，都竟然有臉紅同心跳嘅情況出現，同埋嗰日落水我俾水母灼親大髀，皮膚紅咗一大片。」
問琦琦纖體的方法及收身成績怎樣？她說：「我係等BB一百日後先開始減嘅，用幾個方法一齊減。首先係食易速纖、去美容院做spa，同埋老公買咗部跑步機畀我，我就喺屋企着住厚衫，調校到好似上山坡咁斜咁跑，𠵱家終於成功減咗五十磅，亦係我產前嘅體重。」
被誠意打動
再問是否滿意今次廣告的酬勞？琦琦說：「係呀，不過最主要係有誠意，我懷孕時幾乎全港嘅纖體公司都斟過我，但係呢間係第一間，我未大肚時已經同我傾，重係一傾就OK，傾完當晚份合約已經送到嚟我屋企。」
採訪：DebbieLum
