八方日前講過特首辦會散班等候新的特首發落，咁煲呔位新聞秘書當奴仔陳羿（圖）又怎麼辦？陳羿話，希望可以乘機請吓假唞唞，再等新任務。
當奴仔認真好腳頭，舊年底接朱小姐手做煲呔新秘，點知個老細忽然時來運到，欽點為補選特首，升官發財；佢老哥分分鐘水漲船高，前途無可限量。
講真，當奴仔相當有責任感，係行家call佢都好快就覆，放料之餘亦為老細收唔少料，抵煲呔錫佢。
擺在眼前有三條路，一就調走，二就跟番新司長肥龍許仕仁，三就入特首辦再為煲呔服務，反正特首辦負責新聞發放嘅小組，除咗有新聞處處長外，重有個助理處長（D2）位，剛好政務主任出身嘅陳羿亦係D2級，啱晒合尺；新聞處處長蔡瑩璧都係AO，冇問題喎。
當然蔡小姐已經為老董服務咗咁耐，係時候引退，聽講佢阿姐已經準備好放吓悠長假期，一切放完假再算。
傳真︰2623-9278
電郵︰[email protected]