《黑天使》出生於《夜魔俠》片中的女角艾麗雅，因當時《特務A》珍妮花嘉娜（JenniferGarner）較為表現突出，所以另開新片畀佢擔正，由《X檔案大電影》導演洛保文（RobBowman）執導。珍妮花紅於電視劇《特務A》，間諜角色令佢練出一副好身手，所以佢接嚟接去都係打片多，《黑》糅合了拳擊、中國武術及空手道，所以全齣電影都係以武打場面為主導，可惜編排得唔係咁好，搞到好似武打大雜燴，真係顧得打嚟就顧唔到故事，還有其一身衣着打扮，性感得嚟又太過筋肉人，亦是晒料之作。另片中父女又唔夠吸引，個女唔可愛，爸爸又唔有型，雖然珍姐擔正多嘢搞，但其他人物都唔好咁是但求其吖！
至於故事內容，主要係講Elektra（珍妮花嘉娜）因長期承受童年不快回憶折磨，為逃避現實陰影便到西藏拜師習武，後因心中滿是仇恨而被逐出師門，輾轉她成為殺手集團的最Top女殺手。在接獲一次新任務時，結識了活潑少女阿碧及其父親，其後她得知此次任務目標是這兩父女，一心改邪歸正的她，為救兩人，決定與組織為敵。
文：朱就
得利影視
查詢電話：27870678