大狀黨今日會見詩姐同林D9傾政改，睇怕都傾唔到啲乜。梁家傑噚日就去咗樂富幫李永達助選。傑哥助完選後話，唔知點解呢排好多人問佢係咪加入新組成嘅行政會議，但佢強調總之就係冇呢回事啦！
另一個大狀湯家驊前幾日就同八方講，雖然入咗立法會只得嗰幾個月，但感覺好似做咗十年咁耐，做決定好多時候唔係拗道理，而係睇人頭、睇票數、睇吓邊一邊夠飛，好似立法會開委員會傾嘢，不時有保皇黨就會問佢：「你哋民主派係咪冧友入去？」不過做議員都有着數，好似出街食飯咁，湯大狀話，𠵱家每次去親食飯，啲職員都盡量揀個靚位畀佢。咁都算係意外收穫啦！
傳真︰2623-9278
電郵︰[email protected]