人人都話煲呔曾會喺五月二十六號、即係今個星期四宣布參選。雖然煲呔信天主，唔多似會齋戒沐浴擇吉日參選，不過八方查過通勝，咁啱都發現五月二十六日係吉日！不過通勝淨係話當日宜「祭祀」、「祈福」、「嫁娶」、「動土」同「安葬」，冇講係咪宜「參選」喎。
至於嗰日忌乜？通勝話淨係「作灶」同「搬遷」，都冇講係咪忌「參選」。
如果煲呔曾想𢭃多幾日人工先至劈炮，要等下一個吉日，就係五月二十九日星期日喇。
但如果煲呔五二九再唔宣布，睇怕佢都咪旨意喺吉日參選，因為下一個吉日就要等到六一一，已經過晒報名期啦！
傳真︰2623-9278
電郵︰[email protected]