港姐徐子珊前晚往君悅酒店出席慧妍雅集慈善舞會，記者問到她與黎明的緋聞，徐子珊表示很欣賞對方，但談到前男友溫迪倫在私人網頁刊登日記，她則前言不對後語，一時說選港姐時已甩拖，一時又說不會對溫迪倫的舉動動怒，因對方僅是她朋友而已。
應屆港姐冠軍徐子珊等人前晚往君悅酒店出席「慧妍雅集輕歌妙舞慈善舞會2005」，前晚徐子珊表演hiphopjazz舞蹈，向海嵐演唱《終生美麗》及《分分鐘需要你》等歌曲，成功籌得三百萬元善款。
徐子珊前晚再被問到與黎明（Leon）的緋聞，她起初說：「已經回應咗啦。」問她選擇男友會否選黎明這一類型？她說：「𠵱家工作咁忙，要分配時間（拍拖）都好難。我係好欣賞Leon呢啲咁有經驗嘅藝人，可以同佢合作係我嘅榮幸，亦有好多得着，不過件事搞到好似借Leon宣傳咁，都幾唔開心。」
選美時已散
問報道出街後會否影響跟Leon的交情時，徐子珊說：「拍完廣告後都各有各忙，冇再約啦。」記者再問她前男友溫迪倫在私人網頁刊登日記一事，她初時說：「我同佢唔係啱啱甩拖，選港姐時已經散咗。」再問她會否不悅男方將二人的事在網頁刊登時，徐子珊卻前言不對後語說：「點會嬲啫？佢係我朋友啫，又唔係男友。」
拒代言纖體
鄭文雅則透露有數間纖體公司斟她任代言人，但被她婉拒，她說：「我自己係高球教練，係唔鼓勵用呢啲方法減肥，應該多做運動用健康嘅方法減肥。」她更謂與丈夫虞哲輝最夾的地方是二人都愛做運動，問她其夫keepfit得這麼好，不怕招惹狂蜂浪蝶？鄭文雅說：「我同佢結婚十四年，兩個七年之癢啦，佢郁一郁我都知佢想做乜啦。」
採訪、攝影：JessicaNgan
