今日對版之圍港熱話a
原來Cosplay唔係動漫迷的專利，電影發燒友一樣瘋狂。《星戰III》引發的強勁原力，不僅幫佐治魯卡斯吸晒全球星戰迷的銀紙，最厲害係完全扭轉香港人害羞的性格！
《星戰III》上周開畫，星戰迷變晒Cosplayer包場睇戲齊齊趴地（Party），專業程度完全唔輸畀歐美日Fans。話晒係《星戰》系列的最終章，再唔扮就「可能」無機會，導演都話唔會拍七、八、九集！Maytheforcebewithyou！
記者：邵超、馬慶武 攝影：林栢鈞
鳴謝：星戰華人網
（www.starwars-hongkong.com）
全港首個大型星戰展
由5月16日開始在朗豪坊舉行的「星球大戰珍品展」，剛於昨天降下帷幕，展覽上大晒星戰的海報、相片、道具等星戰迷珍貴收藏。
星戰迷易服去戲院
「所有人都投靠咗黑武士！」對不起，今勻實在要借用M&M's的廣告標語。因為近排黑武士真係爆到嘭嘭聲。《星戰III》開畫日，本港最具規模的星戰組織在銅鑼灣翡翠明珠廣場包場睇晚上十點場，未到八點氣氛已經煲到滾！另一邊廂，紐約戲院的星戰迷一樣咁旺，無論是扮演絕地武士、Obi-Wan、Padme、白兵或者Jawa，個個都爭住同黑武士合照，一個人肉布景板就係咁樣誕生。大家即刻去片感受吓當日氣氛。
連環星戰效應
1.舊碟勁賣
最終章上畫，好多人想翻煲頭幾集講啲乜，但無綫要橫跨五星期先播完，間接帶挈舊作DVD銷量。尖沙嘴HMV分店平均一星期賣十多隻，今周可望逾二十隻。
2.網上星戰Game
孩之寶師徒對決
師徒對決是《星戰III》經典場面，嚟到遊戲區就可以代入Obi-Wan或Anakin的角色對戰。
網址：www.hasbro.com/starwars/
尤達大師擔正
熱烈推介尤達大師廣告、電玩Trailer同星際語言繙譯遊戲，但精品就要買機票飛去美國換。
網址：www.pepsiworld.com
3.Fans搞笑版《星戰III》
網上Banner彈出一句「1,000,000pplcan'tbewrong」就知笑片《StarWarsEpisodeIII：ALostHope》的魔力有幾大。
網址：www.sequentialpictures.com/moviestarwarsepisode3.html
點解年年5.19？
自從1977年推出第一部，《星戰》系列迄今票房累積已超越60億美元。由於1999年5月19日《星戰I》全球開畫票房達6,500萬美元，佐治魯卡斯認定5.19是幸運日：2002年5月19日《星戰II》再接再厲，全球開畫票房8,000萬美元，今年5月19日單在美國已刷新紀綠創出開畫日5,000萬美元佳績，估計亦已打破全球單日票房紀錄。
Cosplay狂熱
美國501遍布21國
美國第501軍團（501stLegion）是星戰最強裝扮社團，組織分支遍布美國及全球逾21國，會員人數在五年內由2變3,000人，成員專門扮成《星球大戰》中的壞人角色進行慈善籌款活動。紀錄片《HeartofanEmpire》就係追蹤呢班投靠咗黑勢力的社團成員，睇過Trailer，估計所有星戰迷都想一劍砌低他們，因為佐治魯卡斯隻眼開隻眼閉，默許他們到拍攝現場兼訪問幕後製作人員，重唔抵打！
網址：www.heartofanempire.com
廣州星戰迷也玩Cosplay
由即日起至6月1日，廣州星戰迷亦在飛揚影城、快將開幕的正佳廣場飛揚影城、青宮電影城和市一宮電影城等舉辦《星戰前傳Ⅲ》Cosplay大賽。
自製星戰服
1.完全扮嘢手冊
想做一個徹底星戰迷，未於網上訂購各類行頭前，請先閱讀呢篇精明消費的指引，尤其是附評語的連結不能錯過。
網址：www.echostation.com/features/halloween.htm
2.BobaFett專業戰衣
變成CultHero的BobaFett，這個網頁有詳盡的圖文介紹，教你點樣打造一身型爆的裝扮。
網址：www.con-centric.com/fett/intro.htm
3.自製光劍
台灣中文簡介的光劍做法參考價值很高，可惜兩地材料有別。星戰華人網會長阿一試過搵唔齊零件，結果做唔成。
網址：www.starwars-hongkong.com/roystarkiller/
Roystarkiller/webpage/lightsaber/hardwaresaber.htm
