香港迪士尼樂園九月先開幕，不過各路人馬已經密鑼緊鼓，全面備戰。八方聽聞，迪士尼方面正小心評估各方反應，不論係香港本地或者係國內同海外，總之開初一定要爆！又要招呼周到，口碑第一。
吸取咗巴黎經驗，佢哋唔想再嚇怕人，事關一旦搞到人人以為好迫唔嚟住，結果個個都諗住等冇咁迫先入場，就大件事啦。
為咗隆重其事，迪士尼梗係希望有高層領導同政要嚟剪綵開幕，話晒呢個都係中國境內第一個迪士尼主題公園，八方估中央領導人都會畀足面出席，至於邊個會嚟，就真係到時先知，當然迪士尼想請到胡錦濤、溫家寶、吳儀等等高層嚟撐吓場，愈高級愈好啦。
傳真︰2623-9278
電郵︰[email protected]