昏昏欲睡的眼睛，看着《創世紀II》的羅嘉良騰來騰去。屋內開行冷氣，躺在沙發上，舒服得沒話說。忽然大哥大吉來電，話睇新聞有研究顯示港人每日平均攝取鹽份達9.9克，比世衞建議的標準超出接近一倍，容易引致高血壓、心臟病和中風，叫我唔好成日出街食飯，同食太多零食，應該學佢帶飯返公司。我話你咁夜打電話嚟，好易俾你嚇到心臟病就真！
人做我做EasyJob
其實我知佢錫我，中學時在烹飪堂的製成品，淨係佢至肯做我嘅白老鼠。不過佢唔知我近日見身邊同事個個帶飯盒，我又湊湊熱鬧整便當，做做吓發覺都唔係好難啫！我咁聰明，Easy啦！
呢個「煙肉蘆笋蟹柳卷」，做法極簡單，先將蘆笋灼熟，煙肉煎香，但記得蘆笋滾水至落，唔好灼太耐，否則當中的維他命C容易流失；煙肉亦唔好揀太多肥膏，即使幾瘦都仍有足夠油份，只需放在唔黐底的易潔鑊上，點煎都得。然後將蟹柳和蘆笋放在煙肉上捲埋一齊就搞掂。紅紅綠綠，合晒我愛靚的要求！重好好味㖭。好飽呀！（一）
老四小吉