「有啲人做好事，係為自己賺取籌碼，每次行動背後都有大目的、小目的，我好慶幸，每次同我一齊去嘅義工都係一心幫助有需要的人。」行醫二十多年的周佐治看盡人性，十六年前在香港這片小土地上創立了港版無國界醫生──「香港醫療動員會」，足迹踏遍緬甸、柬埔寨、印尼、泰國等國家，自付機票、食宿及藥物等費用，目的只是純粹為貧窮地區居民提供醫療服務。
耳鼻喉科醫生周佐治是基督教組織香港醫療動員會的董事，該會現有義工逾五百人。他強調，印象最深刻一次是到國內的麻瘋村服務。他指出，義工們要到人迹罕至的荒島上替病者清洗爛臭的傷口，並捐出一部貨車作流動手術室，替病人做眼科手術；然而最難過的是為病人的子女尋找居所，「好多人都唔肯租屋畀我哋，試過搵到一幢住咗四十伙人，有三十九伙人反對我哋租，我哋租成咗之後，三十九伙人真係搬走晒，你話歧視幾嚴重！」
該會在本港與不同教會機構合作，「落區」舉辦遊藝會，開設健康檢查的攤位，為長者免費度高、磅重、量血糖。南亞發生大海嘯後，周佐治於今年二月與六名義工到印尼亞齊省提供醫療服務，除開診派藥外，更與當地組織合作，目標是於今年內在當地設立診所、孤兒院和幼稚園等院舍，「我唔想三分鐘熱度，返到嚟之後就冷卻咗。」
他自言印尼一行最大得着是「做嘢快咗」，「因為時間好寶貴，以前會諗好多，考慮好多先決定，𠵱家重要嘅嘢就唔好拖，特別係有重大意義嘅嘢，因為唔知幾時無得做。」
他們在印尼時偶然會與到當地「執屍」的軍人聊天，一名軍官曾問他為何不只是捐錢，而要老遠從香港跑到印尼，周佐治答說，不少機構已收到很多捐款，但親身到訪，更能展現關懷，「我哋要親自嚟，等你哋知道我哋唔係單係用錢關心你，而喺親身嚟到表達響你面前。」
本報記者