數碼通為咗推廣SmarTone-Vodafone呢個新品牌，喺香港巡迴展出法拉利一級方程式賽車，連同靚靚跑車女郎，噚日去到海港城。雖然嗰架唔係車神舒麥加揸開嗰架，但係都吸引咗唔少人圍觀同影相。話晒都係紅色戰馬，點都有啲吸引力嘅！
今次換咗喺海港城搞活動，仍然係繼續玩鬥快換車胎（圖），數碼通派出董事陳啓龍撐場。佢同八方講，佢哋數碼通內部都有玩鬥快換車胎，每七個人一隊，總共有四十五隊參加，最快嗰隊只係用咗九秒一三！佢自己嗰隊就差啲，要成十六秒先搞得掂。
陳啓龍話，其實佢哋都係太慢，因為真正嘅一級方程式比賽中，工作人員只係要五至六秒，就可以換晒四條胎，重入埋油㖭！要合作無間至掂！
梁鑑章攝
傳真︰2623-9278
電郵︰[email protected]