方力申、Cookies和薛凱琪等前晚到中環出席人氣品牌店BeamsBoy的開幕禮，方力申提到自己被某雜誌形容為「賤男」時說：「我初時好激動，但呢一刻唔會再激動，亦預咗其他雜誌會陸續有嚟，屋企人都慢慢習慣。」
猛向安仔訴苦
對於Twins在此事上力撐他，問方力申可感到開心，他說：「冇乜特別反應，作為朋友撐係應該，我𠵱家最緊張下禮拜出碟嘅反應。」對於有指方力申因此事向許志安訴苦四十五分鐘，方力申表示安仔是他師兄，自己和他講了個多小時電話。
薛凱琪拍馬偉豪的新戲將和台灣小生郭品超合作，對方身高六呎二吋，薛凱琪表示經常要抬高頭望對方，問她可怕兩人會有緋聞，薛凱琪說：「唔講呢啲嘢。」
採訪、攝影：陳俊銘