陳冠希（Edison）投資的時裝店前晚舉行開業一周年派對，張栢芝、Edison前緋聞女友Rosanne和性感打扮的MaggieQ齊齊到賀，認真畀面。生意早已回本的Edison，表示打算用賺回來的金錢在上海投資新店，以及推出自己品牌，甚有生意頭腦。
由陳冠希投資、位於銅鑼灣的時裝店Juicy，前晚舉行開幕一周年派對，到賀者有Edison胞姊陳見飛、周浚偉、周汶錡、陳淑蘭、張栢芝，以及跟Edison傳過緋聞的MaggieQ和2R的Rosanne等。
用錢搵錢
Edison表示位於銅鑼灣的時裝店開業一年已回本，並打算○六年冬季在上海開分店，以及推出自己品牌『Clot』。Edison說：「我會用香港賺番嚟嘅錢投資，大概花六、七位數字，即係我拍幾部戲嘅價錢。」早前日本傳媒介紹有份參與《頭文字D》演出的Edison時，刊登錯了余文樂的照片，但Edison表示不介意，相信是當地人不認識他所致。
預祝生日
早前范曉萱自爆曾經自殺，幸前男友周浚偉救回一命，對此周浚偉說：「我唔係醫生，佢係城市人抑鬱症，有時有啲問題都幾嚴重，我係睇好多心理學書去幫佢。」周浚偉指范曉萱輕生次數多到記不得，但未致割脈那麼嚴重。
此外，栢芝離開Edison派對後，於凌晨二時許乘車往蘭桂坊蒲吧，栢芝說：「二十四號係我生日，當日我要開工，所以今晚預祝生日；至於生日願望，我希望身體健康同搵多啲錢。」
採訪、攝影：胡比、娛樂突發組、陳偉權
