香港西區婦女福利會前晚響大會堂美心酒樓舉行「五十週年金禧會慶聯歡大會」，馬時亨同成班新舊手袋黨好似陳方安生、梁愛詩同陳甘美華都有出席。陳太一身嬌豔粉紅套裝，重代表大會，接受由創會會員何英女士嘅二十萬捐款，佢喺席間重同梁愛詩講到雞啄唔斷。范徐麗泰做主禮兼上台致辭，佢話台上台下星光熠熠，本來輪唔到佢上台，佢自幽一默話：「蕭太（該會主席蕭曾鳳群）覺得我好可憐，因為我平時響立法會都無乜機會發言，只係聽人哋講，所以畀次機會我講嘢！」又話一個會要經歷半百年真係好難得，佢睇番啲場刊嘅舊相，見到以前有任白表演、啲會員唱大戲咁，令佢感受特別深刻。
傳真︰2623-9278
電郵︰[email protected]