名模歐陽妙芝早前剖腹誕下六磅多男嬰，大批好友不斷往醫院探望她，妙芝笑稱忙過拍通宵廣告。現時在家坐月的妙芝，全職湊仔，整天為囝囝換尿片及餵奶，雖然全部都是厭惡工作，但妙芝卻十分享受。
名模歐陽妙芝本月十三日剖腹誕下男嬰，她昨日透露由生BB忙到今日，還未能適應為人母親的「非常生活」。
「只係得下巴似我」
妙芝說：「我開刀生之後，第一日已經好多朋友上嚟（醫院），同行Mikki同Sofie（李嘉慧）又攞埋生日蛋糕畀BB，喺房度開party，好開心。不過，其實我重吊緊鹽水，下半身啲麻醉藥都未過，第二日又係九萬幾人輪流嚟探我，好似影完幾個通宵廣告咁，搞到婦科同兒科醫生都開口禁止，要我休息，第三日咪掛牌『謝絕探訪』，連家人都唔入得。」
妙芝續說：「其實BB早產咗少少，都有六磅三安士，算足磅。佢好似爸爸，只係得下巴似我，手長腳長，腳趾重長到可以捲埋，好cute！」妙芝表示將由老爺為BB改中文名，丈夫則改英文名，她只請陪月，全程自己湊BB，幸獲琦琦及馬詩慧指導。
妙芝說：「我餵人奶，隔兩個鐘頭一次，不過佢食得慢，呢頭啱啱餵完，又夠鐘餵，基本上冇時停，連廁所都唔得閒去。我𠵱家嘅嗜好就係餵奶、幫佢抹屎、換片，全部厭惡工作我都好enjoy，做媽咪真係好奇妙！」
馬詩慧暑假一樣忙
此外，有份指導妙芝湊BB的馬詩慧，昨日帶同三子女到尖沙嘴參加親子活動，馬詩慧表示子女放暑期，她卻沒有假放，她說：「佢哋會去學跳舞、畫畫、去街，所以我一樣咁忙要逐個接送，只係暑假唔使幫佢哋溫書啫。」記者指她如此辛勞，應該學老公王敏德揼骨輕鬆，馬詩慧即笑說：「係呀，我係賢妻良母，冇法啦！」
採訪：DebbieLum、RitaLeung
