新世界集團主席鄭裕彤的孫兒鄭志恒代理日本品牌明治的美容食物「MeijiAminoCollagen」，前晚在灣仔君悅酒店舉行晚宴宣傳，選出五位「最美偶像」，曾與鄭裕彤傳緋聞的鄺美雲亦榜上有名，其他得獎人包括「玩具大王」蔡志明女兒蔡加敏、陳見飛、林建名女兒林煒姍和女攝影師戴妮廷。
鄺美雲不避嫌大讚鄭志恒，她說：「我由佢四、五歲已經識佢，識咗二十幾年，睇住佢大，佢𠵱家做製藥，對大眾有益，佢又好有心，知我有時去探訪老人院，會主動贊助啲藥油送畀老人家。」
陳見飛甩拖
此外，陳見飛透露甩拖三、四個月，現時玩瑜伽減體重及平衡身體，她說：「見到自己咁fit，真係想影幅靚相留念，我唔介意赤裸上身或全裸遮住重要部位，不過都係畀自己睇。」林煒姍則公開家傳護膚秘方，她說：「嫲嫲教用蛋殼煲水飲，同埋將蛋白加蜜糖一齊食。」
