香港新聞界競爭劇烈，尤以電子傳媒為甚，四位出身浸會傳理系嘅電子傳媒新聞部頭頭，前晚返母校，聚首一堂，大談「二十一世紀電子新聞媒介的挑戰」。
亞視關偉、無綫袁志偉、有線趙應春同商台陳淑薇都係獨當一面人物，講到興起之處火花四濺。其中最落本發展科技嘅新聞部話事人，自然力倡投資最新科技先係應付新挑戰嘅方法；吊鹽水奉命慳家嗰位，就梗係唱反調啦。不過講乜都好，最終都係由四人恩師，人稱吉叔嘅無綫新聞部前總管黃應士最權威，吉叔話新聞最重要係內容，科技只係傳送內容嘅手段，啲大學教授唔好本末倒置，至於新一代觀眾最關心嘅主播樣貌問題，吉叔就無講到。
傳真︰2623-9278
電郵︰[email protected]