今年年頭阿董發表最後一份施政報告前夕，八方好多行家都向中央政策組首席顧問劉兆佳攞料，喺港台工作嘅記協執委麥燕庭（Mark姐）亦係其中一分子，但係佳叔成日都冇覆佢，而第二日就竟然有傳媒率先報道，Mark姐當堂火都嚟埋，質疑政府派糖籠絡個別傳媒。
記協收到Mark姐嘅投訴後，好認真咁成立咗專責小組跟進，但係政府嘅回應一如既往含糊其詞，冇交代事件來龍去脈。專責小組成員之一、浸大新聞系助理教授杜耀明聽到就好火滾，話政府連基本事實都唔願意講，證明佢哋只係揀啲對自己有利嘅傳媒友好嚟放風，又話佳叔係「樹立咗新風範」，要強烈譴責咁話。
傳真︰2623-9278
電郵︰[email protected]