蔣怡（CoCo）最近正式簽約成為年代影視傳訊有限公司旗下藝人，眼見同門師姐梁詠琪及莫文蔚事業穩步發展，CoCo亦準備在電影及電視圈大展拳腳，成為出色的演藝人。
減少模特兒工作
提到早前有報道指CoCo暫別香港影圈，她說：「我冇話暫別香港影圈，只係簽咗間台灣經理人公司，唔係去咗台灣唔返嚟，我梗係希望好似梁詠琪同莫文蔚咁可以跨越唔同地方發展。」CoCo過去幾年主要以模特兒工作為主，對此她說：「我諗以後會少做model工作，希望多啲喺電影同電視方面發展，我都會搵機會進修演技。」
另一方面，CoCo近期積極籌備推出烹飪書，她說：「本書係同大家分享整蛋糕、糖水同甜品嘅心得，預計喺七月就可以推出。其實我平時好鍾意請埋一大班朋友嚟屋企試我嘅手勢，好多朋友都讚我煮嘅嘢好食。」