廖碧兒曾先後與螢幕拍檔劉愷威和陳豪傳緋聞，早前她談及兩位男友時表現大方，揚言希望與愷威一生一世做朋友，對鐵漢柔情的陳豪更是讚不絕口：「我鍾意佢份人，𠵱家好難搵到呢啲人。」
廖碧兒早前在將軍澳接受本報訪問，談及陳豪和劉愷威這兩位緋聞男友時輕鬆自若，表現大方。有傳廖碧兒與愷威因拍攝處境劇《皆大歡喜》而撻着，隨着陳豪的出現，令這段緋聞成為過去式，不過廖碧兒仍希望與愷威成為終身朋友，她說：「我哋係好朋友，如果係拍拖就唔會成日俾人影到啦，我唔會因為呢啲新聞而影響大家嘅感情。佢𠵱家成日唔喺香港，聯絡會少咗，但希望可以keep到做一世朋友。」
「佢個人好儍㗎」
至於陳豪，廖碧兒毫不迴避，還侃侃而談道：「我哋都係好朋友，發展可能唔可以話冇，又唔可以話有，但同佢合作好開心。以前佢拍電影做奸人，講嘢把聲好低，接觸佢之後，佢個人好儍㗎，有時重走音㖭！」她續說：「我鍾意佢份人，喺工作上，佢係一個好傾到偈嘅人。」問廖碧兒曾否見過對方柔情的一面，她笑說：「有呀，佢好錫佢媽咪，𠵱家好難搵到呢啲人。」
拍劇獲陳豪扶持
廖碧兒與陳豪曾合作拍攝劇集《心花放》及《妙手仁心3》，由於她拍攝《妙》劇時並不快樂，同劇的陳豪和林保怡便成了她的心理醫生。廖碧兒說：「我演呢個角色係由頭到尾都未開心過，啲對白又難又長，又要投入角色認真去做，所以有時都好𤷪。陳豪同保怡好好，好細心教我點樣做，佢哋知我拍劇唔開心，所以唔會煩我，真係好friendly㗎。」
採訪：朱倬誼
攝影：仇志德
髮型：WardenLuk@IIColpo
指甲：ZoeChan@NailNail
服裝：Max&Co
