余若海夠fit頂替詩姐 - 李八方

  余若海夠fit頂替詩姐 - 李八方

律政司司長梁愛詩成日想劈炮,已經係政圈公開秘密,但由於阿爺唔放人,詩姐繼續發揮阿Q精神捱落去,點解阿爺唔放人呢?其中一個說法係後繼無人,除詩姐外,環顧香港都好難搵到第二個過到關嘅法律界人物坐呢個三煞位。
被老董召入行會嘅廖長城,早前確係行程看漲,但最近好似變得麻麻哋,據廖長城老友講,若然廖長城應承做律政司司長,一早就已經做咗,但佢對入「熱廚房」興趣唔大,事關做行會成員輕鬆得多,一來唔使做箭靶俾人砌,二來可以繼續搵真銀,咁筍嘅位,去邊度搵先。
咁講真,雖然話詩姐姐肯做多兩年,但係都要搵定接班人,班大狀就首推余若薇細佬余若海(圖),話佢重fit過家姐;第二位就係陳志海,兩個都夠晒班數,不過,北京搵人唔只睇能力,冇法啦。

傳真︰2623-9278
電郵︰[email protected]