下個禮拜二就係一年一度金花聖母寶誕日，坪洲金花廟會舞獅舞龍大事慶祝，係坪洲嘅盛事，而且唔講唔知，當年演出粵語片英雄黃飛鴻而深入人心嘅已故藝人關德興，原來已經「得道成仙」做咗金花聖母嘅助手。據坪洲金花廟主持葉金蘭話，關德興生前拜咗金花聖母為師，所以九六年關師傅去世之後，就俾金花聖母冊封為護法大將軍，幫聖母普渡眾生，𠵱家關德興將軍嘅神像，就擺喺金花聖母像左面，供人參拜。葉金蘭又話，金花廟以求子求孫，萬應萬靈出名，唔少政界名人都嚟參拜，重話連前港督彭定康同前任行政長官董建華都嚟過。
金花聖母靈唔靈無人知，但係相信更加多人想知，究竟肥彭同老董求咗乜嘢？
傳真︰2623-9278
電郵︰[email protected]