吳日言和組合2R的Race因合作拍攝電影而成為好友，她們日前便相約逛街買泳衣，Race更計劃撇甩胞姊Rosanne，獨自跟吳日言到沙灘暢泳兼曬太陽。
吳日言和2R的黃婉佩（Race）因合作拍攝電影《非常青春期》，成為好朋友，不用工作時，便會相約逛街。早前二人便一起到服裝店選購新裝和泳衣，見她們有商有量，還互相為對方配襯衣服，默契十足。
毋懼被指同志
吳日言表示很珍惜與Race的友情，她說：「其實喺呢個圈，朋友真係好緊要，除咗工作關係見面外，大家又會出嚟玩，雖然未到傾心事嘅階段，但係工作上嘅問題都會一齊傾，因為如果唔係做呢個圈，其他人未必會明白，但𠵱家可以互相問吓意見。」
二人如此老友，問Race怕不怕會被傳是同性戀者？Race說：「唔會，同男仔或者女仔都有可能傳啦，總知唔係嘅，自然就唔怕啦。」
夏天將至，Race表示會撇下胞姊Rosanne，相約吳日言到沙灘暢泳，她說：「我同阿Yan（吳日言）性格都好相似，而且同女仔去街有個好處，就係大家買衫可以畀意見，乜都傾得，而且開工嘅時候，有時冇家姐陪都會幾悶，但係識到朋友，就可以一齊玩、一齊笑。」
採訪、攝影：王連連
化妝：（Race）HairTavin@HairCulture
場地提供：2%
