𠵱家人人話北望，基地喺英國倫敦嘅特許公認會計師公會（ACCA）都係咁睇，噚日係佢哋第一百屆嘅會員周年大會，以往大會只會喺倫敦舉行，但今年就安排咗英港連線，以視像會議方式同時舉行，香港呢邊噚晚喺會展搞咗。
現時ACCA在港會員過萬人，內地亦有一千五百名會員，加上一萬二千名內地學生考緊佢哋嘅專業試，所以市場愈來愈大。噚日佢哋又同清華大學簽署合作意向書，清華會根據ACCA開辦會計基礎課程，等內地學生可以銜接呢個國際性專業試。近年內地對會計人才需求若渴，香港呢邊都供應咗唔少，但始終唔夠直接喺內地培訓咁實際。
傳真︰2623-9278
電郵︰[email protected]