代表全港幾千名醫生嘅工會「公共醫療醫生協會」，下個月選會長，呢個會以前屆屆都係得一個人出嚟選，但今屆就首次有兩個醫生競爭，一個係現任副會長佘達明（圖一），另一個就係將軍澳醫院急症室部門主管吳民豪（圖二）。
吳醫生一向好低調，搞過飛行醫生同院內嘅溝通服務等等，佢話出嚟選係想令個會可以對各樣事，例如醫生工時、資源不足、醫生前景等問題，用一個融和、坦誠嘅態度去討論。雖然佢同醫管局行政總裁何兆煒都係港大醫學院八三年畢業嘅同學，但係佢強調自己絕對唔係醫管局行政部派嚟嘅。
做開副會長嘅佘達明就話，未來會好積極咁為醫生爭取合理工時，提升合約醫生士氣，為佢哋爭取長約等等。
傳真︰2623-9278
電郵︰[email protected]