煲呔呢輪當紅，同佢有關係嘅人物都成為記者追訪對象。好似好多年前，喺曾蔭權爹哋曾雲嘅喪禮上負責致悼辭嘅香灼璣，噚日以公民教育委員會主席嘅身份開記者會，但就俾記者追住問長問短。
八方同香生提起致悼辭件舊事，先發現呢位身兼鄉議局執委嘅香生同煲呔真係有親戚關係，原來曾雲係香生嘅舅父，換言之香生同煲呔就係表兄弟啦。
至於邊個係兄，邊個係弟，香生只係話：「你睇吓我多佢幾多白頭髮就知啦」，暗示佢就係表哥。
咁唔知喺新界地位舉足輕重嘅香表哥，可以幫曾表弟拉到幾多新界人嘅選票呢？
傳真︰2623-9278
電郵︰[email protected]