日前宣布懷有三個月身孕嘅日本女星竹內結子，預產期會喺今年尾。據行內人爆料，竹內已經決定會喺明年接拍電影復出。由於竹內今次奉子成婚，影響咗健康形象，難以討好以師奶為主嘅電視劇觀眾，加上佢對上一套孭飛嘅劇集《不高與的遺傳因子》收視唔理想，好難似菜菜子咁拍劇復出，所以竹內嘅事務所打算今後畀佢以拍戲為主。