不安於份的香港人，買乜都要新要好要潮，好似家居電話，由有線變收音機頻道無線電話，再變利用數碼傳送的DECTPhone，而最近接收力較DECTPhone強的2.4GHz數碼室內電話，更成為電話界的至潮選擇，等你煲粥時全無阻隔，暢所欲言。
記者：區佩嫦
攝影：楊錦文 Model：Katie
2.4GHz穩定性高
外國人都括
以2.4GHz頻道即走DigitalSpreadSpectrum制式（簡稱DSS）的數碼室內無線電話（一般稱2.4GHz數碼電話），其室外與室內的接收範圍與行1.8GHz的DECTPhone差不多，室外及室內分別是300米及50米，但其接收力更穩定，穿牆力更佳，接收及通話質素比DECTPhone更好，據電話店老闆表示，不少外國客更到港搜括2.4GHz電話，睇嚟將會取代DECTPhone。
一門三傑免頻撲
型號：SouthwesternBellGH4003MS
有齊母機及兩部子機，可在客廳、書房、睡房各一部，毋須左走右走。盒內備有銀藍黑白四塊面板顏色，可隨你喜愛而更換，夠晒搞鬼。備有來電顯示、來電待接、10種鈴聲選擇，50組電話簿記憶等。1座可拖4部子機。
套裝售價：$899（c）
話你知
1.2.4GHzVSDECTPhone
其實部機Work唔Work好多時都關乎電話個接收器，據JCSHOP老闆之一Alan表示：「DECTPhone與2.4GHz的電話其接收範圍差不多，只不過2.4GHz的穿透力較強。若想落街都用到電話，不妨將個發射器放近窗邊，無牆阻隔落9至10層樓都應該無問題。如果多牆阻住，當然2.4GHz會好啲。」
2.小心與寬頻接收器Jam線
無論用DECTPhone或2.4GHz數碼電話，都要留意你屋企個無線寬頻接收器嘅位置。「由於無線寬頻接收器與數碼電話的頻道相同，好多人上緊網就用唔到電話，或者經常斷線，其實係個寬頻接收器同電話Jam咗，唔想咁嘅話，千祈唔好將個接收器同電話放埋一齊。」
落4層樓
都無問題
用無線電話，最怕窒窒吓或「嘶嘶」聲，甚至喺屋企行多兩步已經斷線，雖然話DECTPhone效果較佳，但不少人用完都覺得唔係好掂，既然咁，一於搵部新機來個小測試。
今次搵咗部最新2.4GHz的SouthwesternBell數碼電話（GH4003MS型號）測試，將部主機放喺5樓樓梯口，然後Model手持子機沿後樓梯行，行到去1樓時部機都重係Ready狀態，雖然打電話時有點「嘶嘶」聲，但總算OK，不過再行多幾步，電話已經「OutOfRange」，收唔到！
邊講電話邊照鏡
型號：OregonScientificLS328
論靚仔，呢部名為幻彩鏡面電話絕對是眾電話之冠，立體的四方形機座連鏡面顯示屏，能顯示來電資料及時間外，還可當鏡用，邊化妝邊講電話都得，加埋隱蔽式聽筒，夠晒搞鬼。電話內置50組電話簿記憶、10種和弦及4種標準鈴聲、來電顯示、響鬧功能等。
售價：$1,468（g）
內置電話錄音
型號：UnidenDCT746
同樣來自美國Uniden的套裝子母機，黑銀色的機身大走沉實路線。內置電話錄音、100組電話簿記憶、來電顯示及第三者來電顯示、20種鈴聲選擇、免提功能等。1座可拖4部子機。
套裝售價：$698
淨子機售價：$438（c）
一叉即閃光
型號：TeledeviceD2400G
外表平平無奇，但當叉電時機座背部即會發出閃光，夠晒搶眼。此機內置10組8和弦音樂鈴聲、VIP鈴聲、免提對講、免打擾、手機超出範圍提示、手機低電提示及自動關閉功能。1座可拖4部子機。
售價：$438（c）
經濟實惠韓國機
型號：PSSTXclusivePS-G2420
產自韓國的PSST價錢夠晒實惠，備有電話錄音、來電顯示、重撥、10種鈴聲選擇、10組電話簿記憶等基本功能。
售價：$258（a）
橙色屏幕夠搶夠靚
型號：UnidenDCT646
套裝子母機，其銀白色外形帶點Cyber味道，加上橙色的螢光按鈕及顯示屏，夠晒靚仔。備有第三者來電顯示、免提功能、留言信箱訊號提示，100組電話簿記憶、20種鈴聲選擇等。1座可拖4部子機。
套裝售價：$748（c）
DECTPhone
玩色玩Function
喺寸金尺土嘅香港，行1.8GHz頻道的DECTPhone其實已經好夠用，即使由屋頭走到屋尾，或者行出門口倒垃圾都無問題，而且接收穩定，唔怕被偷線，所以成為室內電話的主流。而近年DECTPhone則玩彩芒，誓要同手機媲美。
更改彩色背景
型號：SIEMENSGigasetSL100C
外置接收器的西門子DECTPhone，彩色屏幕，可更改背景圖案，內置5組單音及5組和弦鈴聲，200組電話簿記憶，23組聲控撥號，鬧鐘約會等提示功能。1座可拖6部子機
母機售價：$1,280
淨子機售價：$1,180（彩芒）/$880（黑白芒）（b）
繁簡體中文彩芒
型號：INFINXXID8
中文彩芒DECTPhone，有1.5吋屏幕，特設繁簡體中文顯示。動畫圖像介面，內置10款背景牆紙，10種和弦、大自然及原音鈴聲。隨機附送無線耳筒。1機座可拖４部子機。
母機售價：$980
淨子機售價：$338（黑白芒）（c）
外置接收器點放都得
型號：DAEWOOCrofone9090
外置接收器裝置，400組電話簿記憶、內置多和弦鈴聲、來電顯示、對講機功能、來電震動及免提功能等。1座可拖6部子機。現購買母機還附送子機一部。
母機售價：$598
淨子機售價：$250（a）
遙控錄音夠過癮
型號：ACL-2288
子母機套裝，內置30組來電顯示記憶，30組電話簿記憶，座機3級音量調校及5種鈴聲選擇，手機則設3種鈴聲選擇。
套裝售價：$598（f）
子母機夠方便
型號：RomeoDECTTE-3391
想經濟實惠的話，不妨選擇套裝機，這套來自台灣的DECTPhone，備有線母機及無線子機。母機備有區位碼和長途碼設置，15種和弦及1種普通鈴聲選擇。子機則可儲存50組電話簿記憶，9種鈴聲選擇，免提聽筒及話機靜音功能。
售價：$480（b）
有線電話
大吹懷舊風
無線電話雖然方便，不過一室懷舊的裝修，襯個至潮的DECTPhone好似格格不入，這時有線電話是你的不二之選。近年具懷舊風情的電話愈出愈多，不少更是店主左刮右刮先搵到，唔想撞款咁老土的話，這些是不錯的選擇。
紅唇烈燄
以嬌豔的紅唇作外形的嘴嘴電話，帶心形的嘴形，又靚又性感，上唇為聽筒，下唇則設按鈕，打開嘴嘴即可暢所欲言，同Honey講電話最有Feel。
售價：$780（d）
鐵騎電話跑味十足
充滿跑格的家居裝修，不妨選擇這部鐵騎電話，聽筒隱藏於Seat位內，放喺屋企簡直係絕佳的裝飾。
原價：$1,998
特價：$1,500（e）
狂潮式手挽電話
這款圓形的手挽電話，充滿70年代的狂潮感覺，經典的攪盤，配上超重身的機座，煲粥煲得耐都咪話唔辛苦。
售價：$1,280（d）
至經典攪盤
最經典的攪盤電話，是老闆左刮右刮先搵到一批返嚟，全部新貨都咪話唔勁。電話有齊橙、粉綠、黑、啡等顏色選擇，部份電話的中央位置更換上充滿懷舊Feel的牆紙，感覺更Yeah。
售價：$680（d）
超巨LEGO
自問充滿童真的話，不妨揀呢部LEGO電話。放大了的LEGO積木望落已經夠過癮，打開後那些死板板的白色按鈕，充滿假電話的感覺。
售價：$178（e）
售賣點
（a）科域電訊 23614018 深水埗鴨寮街212號地下
（b）進達科技 27088602 深水埗鴨寮街206號地下
（c）JCSHOP 31015033 尖沙嘴海港城海洋中心3樓308店
（d）ich 28613443 旺角朗豪坊10樓27店
（e）Kimihe 23121608 旺角朗豪坊9樓903店
（f）ACL數碼專門店 23072606 旺角山東街50C舖
（g）OregonScientific 顧客熱線：23031889
