近年甚少接拍港片的鍾麗緹（Christy），日前以纖體公司大使身份到吉隆坡宣傳，其間Christy透露少接戲的原因是因為港片質素很渣，但說罷Christy即改口風說只是自己要求高，要拍最好的電影。
鍾麗緹日前以瑪花纖體大使身份到吉隆坡宣傳，並為三位大馬區代言人打氣。近年甚少接拍港產片的Christy，被問及少接戲的原因時，心直口快的她竟衝口而出批評港片，她說：「港產片好渣啦！」
自言挑剔要求高
說罷Christy始發覺說錯話，連忙改口風說：「係我嘅要求過高同太挑剔，總覺得冇適合嘅角色同埋可以感動我嘅劇本，如果要拍，我一定要拍最好嘅。」
Christy剛完成一齣中國製作的電視劇，下月將會與范曉萱及Boy'Z等合作拍攝一部恐怖片，雖然工作接踵而來，但她表示沒有影響家庭生活，她說：「佢哋都知道我做呢行，所以好明白我嘅工作性質，好似上次我喺中國拍劇，個女都有嚟探班，咁樣可以畀個女學習獨立。」Christy更透露有很多事還未做完，所以暫時不考慮再生育。
着三點式好普通
此外，Christy擔任瑪花纖體代言人已達七年之久，而近年的纖體公司競爭非常激烈，提到現時很多代言人都大賣性感以吸引公眾目光，Christy對此淡然說：「呢個係正常現象，纖體代言人着三點式係為咗畀大家睇到瘦身成果，而且着三點式係好普通嘅事，我唔覺得咁係賣弄性感。女性嘅性感係一種感覺，同佢着得多同少係冇關係嘅。」