星戰迷古巨基前晚以主禮嘉賓身份出席電影《星球大戰前傳Ⅲ黑帝君臨》慈善首映禮，他的三位好朋友還穿上私伙白兵裝為他護航，基仔又獲大會送贈兩把激光劍，他看戲後表示前幾集的疑惑均已解開。
古巨基前晚以主禮嘉賓身份到灣仔會展出席電影《星球大戰前傳Ⅲ黑帝君臨》慈善首映禮，李澤楷與表妹、許懷欣夫婦、許懷谷、陳淑蘭及衛蘭等都有捧場。
獲大會送贈兩把激光劍的基仔看完電影後，讚不絕口說：「啲畫面愈嚟愈靚，好多太空戰爭嘅場面，拍得好有真實感，同埋好多之前嘅問號𠵱家都清楚番晒。」
看師徒對打心痛
基仔謂最喜歡片中黑武士被戴上頭盔後，發出第一下呼吸聲的時候，以及兩師徒對打的一幕，他說：「睇住佢兩師徒原本好好感情都對打，真係心都『揦』住。」
基仔透露他的幾位星戰迷朋友前晚穿上自己私伙珍藏的白兵衣服，到場為他護航，基仔說：「我都想扮埋一份，但主禮嘉賓要執正啲，如果電影公司送套戲服畀我就好囉！」基仔透露他家中客廳也有四個星戰人物模型，包括黑武士、JarJarBinks、尤達及R2D2，基仔說：「我最鍾意黑武士黑麻麻，同埋尤達青BB，好得意。我啲星戰朋友逢聖誕或萬聖節都着成咁出街，我都好想咁，但一定要扮黑武士唔見樣，否則唔知點出街。」
妮妲莉豔壓柏林
此外，《星戰前傳Ⅲ》的演員日前出席康城及倫敦首映後，於香港時間昨日於德國柏林舉行首映，導演佐治魯卡斯（GeorgeLucas）偕演員妮妲莉寶雯（NataliePortman）及凱頓基斯甸臣（HaydenChristensen）等盛裝現身，獲逾千名影迷熱烈歡迎。
昨日佐治偕眾演員出席記者會的前夕，更獲柏林市長送贈一隻陶瓷白熊作見面禮。
採訪：馮美茵
攝影：陳偉權
