八方噚日收到一份香港十八歲以下青年性調查，初時真係嚇咗一跳，調查訪問十八歲以下嘅青少年，喺六百三十三份收回問卷當中，居然有超過一成話第一次性行為嘅年齡只得九至十一歲。
唔單止咁，呢班後生仔當中，有一成話每星期性行為十四至二十一次，八方計一計，咁即係每日要有成三次性行為。另外，四分一嘅回應更誇口話自己有超過十個性伴侶。
八方心諗香港真係咁世風日下？再細心睇吓份問卷，再睇真啲，原來只係一個年輕人網站所設嘅問卷調查，呢啲調查連填卷人究竟係咪真係十八歲都無法求證到，相信都係睇過得啖笑就算。
傳真︰2623-9278
電郵︰[email protected]