強積金喺香港搞咗只有幾年，已有過千億供款，參與率亦好高，成為區內典範，好多人想嚟取經。不過香港乜人都有，有啲無良老闆，為刻薄員工蠱惑招數極多。
其中一種，就係出房屋津貼。例如個夥計本來月薪五千，佢就分開兩份，二千人工、三千房屋津貼，以逃避供款。由於房屋津貼法例上唔算薪金，所以積金局冇符，惟有想辦法修例堵塞漏洞。咁乜嘢行業係房津高過人工呢？最多嘅係保安同清潔。大概呢行嘅僱員，冇乜議價能力，任人魚肉。
積金局中人話，你有張良計我有過牆梯，有人要出蠱惑，佢哋只能見招拆招。其實做得老闆，又使乜咁折墮，搵埋呢啲冤枉錢，終有惡報嘅。
爆料熱線：29290000、27860099
報料傳真：26239278
報料電郵：[email protected]