今日五十歲生日的周潤發，昨日應香港旅遊發展局邀請出席在家鄉南丫島舉行的活動，向三百多名海外嘉賓推介香港旅遊景點，出席的外國賓客更以三種語言唱生日歌為發哥賀壽。
由香港旅遊發展局主辦的「2006年精采香港旅遊年歡迎晚宴」昨晚在南丫島索罟灣一間海鮮酒家舉行，大會邀請了來自二十多個國家的嘉賓和四十多位外國傳媒出席，大會更邀請了周潤發擔任神秘嘉賓，他與旅發局主席周梁淑怡一起主持點睛儀式。
幫迪士尼造勢
今日是發哥五十歲生日，他昨日在台上向與會嘉賓推介香港旅遊景點時，大會人員告知在場嘉賓說：「聽日係發哥生日，大家唱生日歌同發哥預早慶祝好唔好？」大夥兒立刻起哄齊唱生日歌，英語、國語和閩南話生日歌都唱齊，逗得台上的發哥既感動又開心，他說：「好多謝大家，希望大家喺聽日都可以有美好嘅一日。」
在南丫島出生的發哥，昨晚向嘉賓極力推介南丫島，他說：「呢度有好多又平又靚嘅海鮮食，如果鍾意影相嘅旅客，又可以選擇喺東邊取景，除南丫島之外，下半年喺竹篙灣嘅迪士尼樂園開幕，所以嚟香港玩，遊客係可以有好多唔同嘅景點選擇。」
歎住家飯慶祝
問發哥會如何慶祝生日？他笑說：「老婆會煮嘢畀我食囉！我都唔興大事鋪張搞生日派對，今年生日願望係希望可以人馬合一，因為呢輪為拍西片做準備，我要學騎馬，所以我好想同啲馬渾為一體。」
發哥又鼓勵家長應該讓年幼的子女學習騎馬，他表示：「騎馬可以練到小朋友主動同勇敢啲，我建議家長可以多啲畀子女學習呢一項運動。」
採訪、攝影：魯萍
