笛喺中、西樂之中都佔有好重要嘅位置，但大家知唔知，原來全世界最長嘅笛係由中國人製造，笛長3.15米，打破咗健力士紀錄。話說呢支全球最長嘅巨笛，係由國家一級演奏家蔣國基、工藝大師常敦明喺九六年研製而成，因為佢太大，指孔之間太寬，每人只能按兩至三個孔。所以巨笛要三個人合奏，一個人負責吹，兩個人負責按孔，真係蔚為奇觀。
又話說呢支巨笛第一次喺上海由蔣國基同另外兩人演奏時，觀眾之一嘅前任國家主席江澤民都興致勃勃咁前來欣賞，重讚佢哋「改革成功」！唔好誤會，係讚佢哋改革長笛成功咁解。如果想知道多啲長笛嘅趣味故事，八方極力推介大家去荷里活廣場一樓明星廣場，睇吓由香港中樂團搞嘅「古今中外笛子博覽」，展期由今日開始至五月二十二日。
爆料熱線：29290000、27860099
報料傳真：26239278
報料電郵：[email protected]