鄉議局呢個暑假認真忙碌，事關佢哋要為建築鄉議局新大樓「撲水」三千萬。大嗱嗱三千萬，單靠本土鄉紳揼心口又點夠？所以鄉議局會喺今年六月初同八月尾，組團去荷蘭同英國等地向移咗民嘅鄉紳募捐。
粵劇名伶蓋鳴暉，更會喺八月隨團出發去歐洲義演。點解蓋鳴暉咁幫手？原來佢喺大埔出世，又喺大埔住咗好耐，啲鄉紳形容佢係「半個原居民」，所以今次一開口，蓋小姐都冇托手踭。鄉議局副主席張學明就話，行會可望六月底拍板新大樓方案，到時真係有排忙。
爆料熱線：29290000、27860099
報料傳真：26239278
報料電郵：[email protected]