著名啤酒商在今個五月，搞咗個「LiveBandShow原創音樂2005」，在全港十多間酒吧作巡迴初賽。每晚選出一隊得勝隊伍，最後結集所有初賽得勝者參加本月30號的總決賽。主辦單位稱，今次活動志在推動原創音樂，畀年輕人有演出的機會。記者親抵其中一場初賽現場，發現原來𠵱家的Band友僅中一中二已開始夾Band，咁點樣走出一條成名路？專家有解。
記者：周頌堯
攝影：陳盛臣
鳴謝：Joyrider、Michael、小雲、Krell、Karissa
Band友熱情多支持少
原來現時香港好多打Band青年都只屬於業餘性質，大部份讀緊書或做緊全職打工仔。從短短個半鐘的表演中，得見好多到場的Band只屬於起步階段，志在參與。記者同呢班熱愛音樂的人士傾談，發現他們心目中的打Band英雄，華人區代表不離Beyond、亞龍大同F.I.R.，外國組就包括DeepPurple、GunsN'Roses、Coldplay等，口味較為多元化。記者亦在現場發現，好多觀眾都係Band友的家屬或朋友來撐場，所以每當一隊Band表演完畢，現場的觀眾亦愈走愈少。
LiveBandShow原創音樂2005
初賽：由5月3至20日逢星期二至五晚
地點：港九各指定酒吧
決賽：5月30日
地點：尖沙嘴寶勒巷的M&WBar
決賽評判：JoeyTang、Soler、RyanHui
查詢：Budweiser23156544
BandFanTalk
專家打救迷途Band友
年輕樂隊並無周詳的打Band計劃，組織性弱，大部份對成名的途徑亦一無所知。我哋就搵來專家，畀啲意見佢哋Band出我天地。
mcbonline主編袁智聰：
谷人氣三部曲
首先要睇嗰隊Band本身的意義，係屬於玩玩吓？還是全職？因為兩種係完全唔同的心態。其實𠵱家已經可以好容易自己出碟做Demo，若果想上位就要好好畀心機去做，因為做好Demo就已經踏出第一步。
Step1 做Demo
玩音樂係講實力，一張好的Demo係打Band的實力鐵證！
Step2 宣傳
歌手可以自己一手包辦宣傳，如果要登堂入室、搵贊助商或上電視台，最好搵經理人幫手。
Step3 發行
一定要搵發行商例如89268或維港代理。因為佢哋的豐富發行經驗，可以慳番精神唔使寄賣CD舖。
成功例子
著名樂評人馮禮慈：
自薦Demo最緊要
玩音樂好強調Band的水準同質素，一出Show識聽的人即刻聽得出，因為Live測試到真功夫。Demo做得好，水準Standout，拎去邊間唱片公司都被人爭住要啦！
Band有Band講
SMS訊息傳遞
據主音Ryan透露，隊Band叫SMS因為佢哋希望作品可以好似手機短訊SMS咁，可以Send到訊息畀人。至於作曲方面就主要想做自己一啲想講嘅嘢，彈彈吓好自然就Jam出嚟。
Evolution愛PunkRock
一班熱愛原創音樂的中學生，各個Band友主要透過Friend搭Friend的情況下認識。剛剛夾咗三個月，主要玩PunkRock為主。發展大計未定，暫時只係業餘性質！
Ro_scene日本Rock
夾咗兩年，以玩J-Rock為主，貪好玩之餘亦想藉此機會表達自己的作品。雖然風格有好濃厚的日本味，但創作主要想講吓一個人的際遇。曾經寄Demo去「903組Band時間」，無奈沒有回覆。
Levam玩民歌
夾咗一年，主要以民歌為主。大家係同校同學，主要喺學校拉記聽歌。今次參賽除咗想攞多啲參賽經驗之外，最主要係大家一班人，志同道合夾得開心，享受嗰種感覺。除咗有時畀啲歌朋友聽之外，有時都會擺上www.cmidi.com同人分享。
Marnuts周練兩晚
成員透過網上認識，夾咗一年玩PopRock為主。創作作品以身邊的事或者抒發自己感覺為主，無乜情歌。由於每個成員都係上班一族，但係點都會每個禮拜抽兩晚時間去練歌。
音樂營養Indie舖
MonitorRecords專業客捧場
成立已有15年歷史，係聽Indie歌友必蒲的地點。除咗賣CD外，亦會獨家代理一啲唱片Label例如HallofSermon、Projekt同Prikosovenie，顧客以長期熟客及專業人士為主。今期熱賣歌手：本地有elffatima、粉紅A，至於外國方面是Autumn'sGreySolace同Lacrimosa。
查詢：wwww.monitor-records.com
ThePanic兼賣Indie衫
除咗專賣本地IndieLabel89268的產品之外，亦有賣外國IndieBand衫，例如Interpol、TheKillers。今期熱賣本地IndieCD就有Comeoutandplay，店舖SalesCat話呢排啲客搶得勁，即將斷貨！
查詢：23962608
WhiteNoiseRecords發行CD
除咗身為維港代理的CD發行商，入外國碟主要以Staff的口味為主，亦都有跟特定Label，例如Fonal同Auticon。顧客以外國人為主，但間唔中都係一些Indie友聚會嘅地方，例如DylanArt就係該舖的常客。近期熱賣本地貨係已絕版的AMK和MarshmallowKisses，外國方面就有WhiteNoise、Gravehurst、Detwiije。
查詢：www.whitenoiserecords.org
Indie友蒲點
藝穗會Eason都撐
每個禮拜藝穗會都有LiveMusic，逢星期五乜嘢類型的音樂都有，星期六就以Jazz為主。每晚分兩節，每節約45分鐘。記者採訪當晚，就見到Eason、阿B撐場！想聽本地Indie音樂，這裏是首選蒲點！
地址：中環下亞里畢道2號
電話：25217251
Club71唔玩電
七一吧為前六四吧老闆娘Grace的新店，雖然剛開張幾日，但已經見到有好多昔日六四熟客出現。七一將會保留以前六四的隨意FreeJam音樂精神，不過唯一分別就係唔可以玩電，只可以Acoustic方式演奏。
地址：中環荷李活道67號地庫
電話：28587071
