曾蔭權去完浴佛，匆匆北飛上京，今次藉參加《財富》論壇之便，見吓領導人吹吓水。其他人要同佢競選點有得揮呢。
講番個論壇，已經第三次在中國舉行，頭一次在上海，第二次在本港，今次就更威。一本美國嘅雜誌，竟然搵到胡錦濤嚟撐場，全個京城廣泛注意，媒介大量報道。
北京個機場，更泊滿小型嘅私人飛機，北京人見大民航機見得多，咁多小飛機降落都好吸引。報道就話機場運作完全冇受影響。
不過，遊客就有受影響。事關噚晚個大開幕Show，安排在天壇祈年殿舉行，為咗準備，祈年殿封咗成個禮拜，遊客只能遙遠望吓啲酒席枱同埋搭表演台嘅工作人員，其他就冇得睇，有啲掃興。當地人就冇乜所謂，重好開心有咁多花搬嚟，裝點得四周好靚。
爆料熱線：29290000、27860099
報料傳真：26239278
報料電郵：[email protected]