馮德倫首部執導、以同性戀黑幫大佬為題材的影片《大佬愛美麗》受到奧斯卡影帝奇雲史柏西和外國片商欣賞，前日馮德倫在康城有幸與這位金像影帝一起遊船河，有片商欲拉攏他們合作拍戲，希望明年可以成事。 記者何永寧、何國豪康城直擊
馮德倫在今屆康城影展雖然沒有影片參展，但因為他要與外國片商洽談合作事宜，故亦專程飛抵當地。前日他應Arclight電影公司邀請參加遊船河派對，該公司老闆Gary有意支持馮德倫於明年開拍一部西片，並打算撮合他與奧斯卡影帝奇雲史柏西（KevinSpacey）合作，前日兩人在派對上會面，更談得相當投契。
奇雲史柏西曾經看過馮德倫執導的《大佬愛美麗》，該片講述同性戀黑幫大佬的故事，而奇雲亦一直被傳是同性戀者，未知他是否因此對這部電影特別有感覺。奇雲在船上與馮德倫談到對不少中西電影的看法，馮德倫說：「KevinSpacey好nice，完全冇架子，我同佢都傾咗電影嘢，大家都係由演員轉做導演，做過導演後，我哋都有共同點就係唔想再做番演員。Arclight老闆Gary睇過我部《大佬愛美麗》，佢好鍾意，所以好想拉埋我同外國演員合作，我都好希望可以同KevinSpacey拍戲，但都要先搞好個劇本。」
馮德倫透露最快要到明年才可進軍荷李活，他說：「下半年我答應咗幫英皇公司開套新戲，所以最快都要出年先可以全心全意搞呢部西片，我同KevinSpacey都有傾過拍戲嘅事，但暫時雙方只係好初步嘅接觸，一切言之過早啦！不過佢就肯定係我好欣賞嘅演員，佢演嘅《七宗罪》、《非常嫌疑犯》同《美麗有罪》我都好鍾意，如果有機會同呢位咁出色嘅演員合作，當然係我嘅榮幸。」
此外，身處康城的任達華與太太琦琦，昨日趁空檔在酒店的海灘拍照留念，琦琦興奮地拿出她早前用手機拍下女兒的照片，問琦琦將來會怎麼替女兒打扮，她說：「我個女收到好多禮物，有Dior嘅裙、Gucci嘅鞋同Burberry嘅衫，但小朋友唔需要着咁貴嘅名牌。」
