無綫拍MV出名流水作業無乜Heart，但陳奕迅新歌《夕陽無限好》就令人有驚喜，掀起Fans在Eason國際歌迷會激烈討論，有讚有彈，我就好鍾意喇！MV中年輕男女郁啲就分手，同背景報紙檔的老夫婦玩感情對比，歌詞中珍惜眼前人的意思好突出！
相信大家都認到報紙檔的位置，喺廣東道與海防道交界，去開海港城一定經過。睇檔莫小姐以極為平淡的語氣回答本報問題，話報紙檔已有50多年歷史，當日無綫租用檔口三小時，就拍完呢個咁感人的MV，但當日E神就無現身，好明顯係電腦後期加工。最後懷疑有人不勝其擾，怒罵為她拍照的攝影記者。敵人勢強，惟有鳴金收兵。
記者：邵超 攝影：梁細權
