民主黨九龍西支部喺舊年立法會選舉期間，反民主黨勢力極力挖出涂謹申「申領公帑租用黨產」事件，由於據說支部唔少負責人都俾人潑到個身有少少屎，所以今年一月改選就大換血，由資歷甚淺嘅林子健接任支部主席。八方日前接到黨內消息，指林子健對職員要求嚴苛，有人更頗為勞氣咁講，要求林子健辭職，否則退黨云云。不過林子健就話未聽過有件咁嘅事，又話佢只係按民主黨中央嘅一般做法。
九西支部改組，八方早前講過阿涂當年租用嘅黨產準備放售，𠵱家有消息話民主黨正執手尾，清理單位物件，重指示職員要將港同盟同民主黨嘅文件全部保存，搞到班職員做到一頭煙。
爆料熱線：29290000、27860099
報料傳真：26239278
報料電郵：[email protected]