六十八歲獨居的熊伯日前喜獲讀者送贈全新的電視機，開心不已：「部電視機畫面夠晒大，睇起嚟好舒服、啲聲又好靚，多謝《蘋果日報》幫我呼籲，冇你哋幫我，我都冇呢部電視機。」
他續說：「好感激嗰位善長咁有我心，知道我嘅經濟困難幫助我，衷心祝福善長同埋佢屋企人身體健康。」
單身的熊伯，早年曾在貿易公司任職雜工，退休後，他的生活靠相識多年的前僱主供養，僅足以應付基本伙食費。體弱的他，早年患上心臟病及高血壓，須定期覆診及服藥，另雙腳亦飽受風濕疼痛，要靠枴杖扶助步行，大部份時間留在家中看電視節目消閒。
近日其家中的二手電視機失靈，惟他無力購置更換，遂向本報求助，他的需要經報道後，即獲讀者購買一部二十五吋的電視機予他，以解孤寂。
「年紀大成日周身骨痛，間中要買藥油、風濕膠布，開支都唔少，所以要儲錢買番部電視機係好困難，呢次真係好多謝大家幫忙，先可以咁快有部電視機，我會好珍惜呢份禮物。」熊伯坦言。
捐款編號：C0901
暖流熱線
電話：29908688
傳真：23702192
電郵：[email protected]
網址： http://www.charity.atnext.com