張文慈和饒珮君等前晚以極為性感的打扮，在中環宣傳「2005亞洲先生競選」，向圍觀男士派發表格，張文慈除了以與她拍接吻戲和做朋友呼籲現場男士參賽外，她又自爆平時出街經常被一些男士上前撞胸博懵。
張文慈（Pinky）、饒珮君（前名饒林紅）、珈潁、馮梓瑩和吳露恩等，前晚都不約而同以低胸裝到場，在中環蘭桂坊街頭派發稍後亞視舉辦的「2005亞洲先生競選」表格，故現場波濤洶湧，其中尤以Pinky和饒珮君的酥胸半露最為搶鏡。
由於前晚是周末，所以蘭桂坊十分熱鬧，不少外籍人士都駐足圍觀及拍照，Pinky更大受外籍男士歡迎，她在街頭招募亞洲先生參賽者、彎腰派表格時更春光乍現。問Pinky會對參賽者可有甚麼呼籲？她說：「我會同人講，邊個想同我做朋友或者同事，參加亞洲先生，而且重有機會同我拍戲，同埋同我kiss㖭。」
對於自己打扮得如此誘人，Pinky說：「我今日應公司要求，希望吸引多啲人嚟選，當『豪』畀公司，而且都夏天，我都接受到自己着成咁。」
Pinky表示平時上街會穿便服，但就說：「街上好多男人會特登走過嚟，用個身挨埋我個胸度，撞到我好痛，一日俾人撞幾十次，反而嚟呢啲活動着成咁就冇呢類情況發生，因為我會份外警惕，我最唔欣賞呢啲男人，我覺得好侮辱，有時重想反擊鬧佢哋。」
此外，珈潁以招牌玉背示人，她說：「今日我同男友攞正招牌嚟，今晚我下身配牛仔褲，因為驚自己顧得上又顧唔到下。」
採訪：卓寶花 攝影：黃文成
