鄭裕玲（嘟嘟）率八位參加香港小姐預賽的佳麗，進行運動大比試。雖然四十七歲的嘟嘟年紀比佳麗大一倍，但身材卻比帶點babyfat的參賽者優勝，嘟嘟說：「見到佢哋，重可以感到驕傲。」
鄭裕玲昨日在太古城一間健體中心教導參加港姐預賽的佳麗跳健康舞和做瑜伽。現年四十七歲的嘟嘟，一向熱愛運動，身材甚弗，昨日見她穿起貼身運動裝來，盡顯健康曲線美。
相比其他燕瘦環肥的八位少女，嘟嘟自豪地說：「最初我都好大壓力，班女仔最細十八歲，最大都只係二十四歲，我係佢哋一個double，話晒都十八歲卜卜脆；不過見到佢哋，我重可以感到驕傲，論氣力同柔軟度我都OK！我呢集《美麗由心開始．競艷篇》會係第一集，三十號播，平時我都唔會着咁少做運動，啲運動衫重好搶眼，記住睇！」
嘟嘟認為部份佳麗的身材麻麻，她說：「有成四、五個係十八歲，好多都有babyfat，真係要keep吓。」
而四十位參加香港小姐預賽的參賽者，要經過三位嘉賓評判的測試，才能夠進入最後十五強，正式成為準港姐。
昨日八位預賽參加者在嘟嘟領導下進行運動項目測試，嘟嘟說：「佢哋八個要學踏板健康舞、瑜伽同拉丁舞，各個項目都有啲佳麗做得好，有啲做得唔好；拉丁舞就最平均，今次之後我要喺八個入面揀三個，正式進入十五強做準港姐，𠵱家我都心中有數。」
採訪：楊潔雯 攝影：林德雄
