喜歡吃榴槤的朋友會視之為寶，不喜歡的會覺得它臭如臭豆腐。講到揀榴槤，有時真的要撞手神，萬一揀錯個唔熟的榴槤返屋企，食之無味，棄之可惜，不如就參考榴槤癡Fion的做法，將已開但又未成熟的榴槤，物盡其用，配以咖喱烹煮，吃剩的榴槤核還可燜腩肉，食得唔好嘥嘛！
記者：陳冰麗 攝影：黃子偉
示範：觀塘區讀者Fion
連核都食埋 一啲都唔嘥
每到榴槤當造期，Fion即會大擦一餐，試過最高紀綠一次過吃了一個足八磅重的榴槤，事後卻沒有爆瘡！「我習慣食完榴槤，就利用個殼裝鹽水飲，呢個可以話係我嘅清熱良方。」Fion雖然對吃榴槤很有心得，但也試過幾次買了未夠熟的榴槤回家，有些又不夠甜，幸好她有位創意十足的老公。「我老公覺得與其嘥咗個榴槤，不如試吓用來煮咖喱，結果又一拍即合。」
原來印尼有些家庭卻喜歡用榴槤核煮餸，只要預先烚熟它，去除硬殼便可食用。Fion便是透過一位印尼朋友得知，於是嘗試以榴槤核煮食。榴槤核外貌像栗子，食落又似夏威夷果仁，口感粉粉地，幾乎沒有榴槤味。Fion其中一個外甥女Ling非常怕吃榴槤，但試過榴槤核燜腩肉後，不禁愛上了粒核！
榴槤核燜腩肉
自製價：$19/4人份量
難度：★★★☆☆
有料到：
榴槤核 5-6粒
五花腩 12両
紅甜椒 1個
綠甜椒 1個
蒜茸 1茶匙
調味料：
鹽 1/2茶匙
糖 1/3茶匙
生抽 1湯匙
油 少許
生粉 1/2茶匙
芡料：
生粉 1/2茶匙
水 2湯匙
鹽 1/2茶匙
做法：
1.洗淨五花腩，吸乾水份，切件，加調味料拌勻，醃約15分鐘。紅、綠甜椒洗淨，切角，放滾水內拖水，取出瀝乾水備用。
2.起油鍋，爆香蒜茸，加入五花腩炒至肉變色，然後加入半碗水，冚蓋燜煮約5分鐘，再加入已處理好的榴槤核，再燜多5分鐘。
3.最後加入紅、綠甜椒兜炒，加入拌勻的芡料煮滾，熄火完成。
煮教金句：
「榴槤核要烚熟才易於去硬殼。而紅、綠甜椒先拖水，縮短炒的時間，以保持營養不失。」
榴槤咖喱雞
自製價：$45/4人份量
難度：★★★☆☆
有料到：
雞胸 8両
榴槤肉（切丁） 3件
番茄（切粒） 2個
泰式紅咖喱醬 3湯匙
椰漿 1/2細罐
薑絲 少許
蒜茸 少許
芫荽 少許
調味料：
鹽 1茶匙
糖 1/3茶匙
生粉 1/2茶匙
胡椒粉 少許
做法：
3.逐少倒入椰漿，邊煮邊攪，待汁煮滾，加榴槤肉煮至溶。
4.最後加入番茄粒略煮1分鐘，加少許鹽調味，撒入芫荽碎即成。
煮教金句：
「煮咖喱醬時，火要慢，免燒燶。加椰漿時則要邊煮邊攪，避免黐底。」
榴槤核處理三步驟：
2外甥試味實錄：
3大榴槤種類：
1.金枕頭味最清
尾部蒂頭尖，外形龐大成橢圓狀、粗釘、果肉呈淡黃色、肉多核細，在眾榴槤中最清淡，但品質最靚，所以價錢亦是最貴。
2.甲倫肉少核大
俗稱細釘，釘細，外形圓，香味濃，果肉軟，粒頭比青尼小，亦屬於肉少核大。
3.青尼果肉深黃
俗稱大釘，外觀和金枕頭很像，惟粒頭稍小，形狀較勻稱，色較綠，尾錐凹陷，果肉深黃、核較大、肉較少，香味濃郁。
揀榴槤4大點：
1.睇榴槤的外形，顏色必須要均勻。
2.聞吓有否香味，有強烈的味道，果肉會較香。
3.搖動榴槤，聽或感覺到裏面有聲，就代表果肉不黐殼，屬乾性的榴槤，食味、質感稍遜。相反的較柔滑，並覆蓋整粒核的榴槤較好食。
4.留意果柄，深棕色代表榴槤不新鮮。
