證監順應潮流搞問責 - 李八方

  證監順應潮流搞問責 - 李八方

證監會成立咗十幾年,近日罕有咁向傳媒機構寄發意見調查問卷,話希望提高對公眾嘅問責性同透明度。份問卷有七頁,問吓傳媒對證監新聞發布工作同處理傳媒查詢嘅滿意程度,總之要幫吓佢哋嘅公關部門畀吓分。證監平時問市場人士攞資料查案就多,今次問記者,都算幾特別。
問卷裏面話,正研究成立一個非法定委員會嘅可行性,委任傳媒高層代表加入,以便加強同傳媒溝通,計劃每年開兩至三次會。喺公營部門嚟講,呢個做法都算新鮮,但唔知個委員會有幾大,會唔會順得哥情失嫂意呢?
八方見證監由當初畀人高高在上感覺,到𠵱家順應問責,睇住佢進步。證監主席沈聯濤九月離任,新人上場,唔知新人事會唔會有新作風?但開放問責嘅大潮流,相信冇乜人可以逆轉。



爆料熱線:29290000、27860099
報料傳真:26239278
報料電郵:[email protected]