韓國型男權相佑同《春逝》男主角劉智泰合作演出嘅韓國電影《野獸》，雖然上月十三號先至喺京畿道富川開拍，但套戲已經喺康城擺定攤位做推銷，有日本片商出咗四百萬美元（約三千一百二十萬港元）購買上映權，雖然呢個價錢只係裴勇俊套《外出》日本賣埠價嘅一半，但已經成為日本賣埠價最高嘅韓片第三位，證明當地片商對《野獸》充滿信心。