已經同乙葉訂婚嘅日本搞笑演員藤井隆，前日擔任日本直播電視節目嘅嘉賓時，猛被主持追問約乙葉返屋企時會做啲乜嘢，藤井隆話：「我哋會坐得好直咁互相凝望，又或者玩吓啤牌同做吓刺繡咁囉。」講得好鬼純情喎！ 藤井隆臨走時重對住鏡頭話：「乙葉記住煮定好餸等我返嚟。」真係唔放過表現自己搞笑天份嘅機會！